Мэжик Группийн тухай

Мэжик групп нь одоогоор Мэжик Консалтинг Аудит ХХК, Мэжик Клоуд ХХК зэрэг охин компаниудыг нэгтгэн, санхүүгийн үйлчилгээний салбарт өөрийн өнгө төрх, нэр хүндийг бүрдүүлэн амжилттай үйл ажиллагаа явуулж байна.
Бид дараах чиглэлүүдээр мэргэшин ажилладаг:

• Аудит, баталгаажуулах үйлчилгээ
• Татварын мэргэшсэн зөвлөх үйлчилгээ
• Санхүү, нягтлан бодох бүртгэлийн сургалт
• Программ хангамжийн хөгжүүлэлт

Товч түүх

Мэжик группийн эхлэл болсон Мэжикчойс ХХК нь 2007 оны 5 дугаар сарын 16-нд байгуулагдсан.
Тус компани нь санхүүгийн программ хангамжийг сургалтын хөтөлбөртэй хослуулсан шинэ аргачлалыг боловсруулж, Монголын зах зээлд анхлан нэвтрүүлсэн юм.

Үүсгэн байгуулагдсанаас хойш нэг жилийн дараа Дархан хотод, дараа жил нь Орхон аймаг болон Улаанбаатар хотод салбараа нээж, сургалтын үйл ажиллагаагаа өргөжүүлэн өнөөг хүртэл 1300 гаруй төгсөлтөөр 10,000 орчим суралцагчдыг бэлтгэн гаргасан байна.

Мэжикчойс сургалтын төв нь зөвхөн анхан шатны нярав, нягтлан бодох бүртгэлийн сургалт төдийгүй удирдлагуудад зориулсан санхүүгийн сургалт, татварын сургалт, санхүүгийн тайлан унших сургалт зэрэг хөтөлбөрүүдийг хэрэгжүүлдэг.
Мөн Монголын Мэргэшсэн Нягтлан Бодогчдын Институттэй хамтран www.sanhuu.mn сайтыг хөгжүүлж, санхүүгийн файлын сан, видео хичээлүүдийг бэлтгэн нийтэлж ирсэн.

Амжилт ба Хүрэлцээ

Мэжикчойс сургалтын төв нь:

• Гранд экспо-2014 шалгаруулалтад “Шилдэг сургалтын төв” цол,

• Монголын мэргэшсэн нягтлан бодогчдын институтээс зохион байгуулсан “1000 санхүүчдийн баяр–2015” шалгаруулалтад мөн “Шилдэг сургалтын төв”-өөр шалгарч байсан.

Эдгээр амжилт нь Мэжик группийн санхүүгийн салбарт үйл ажиллагаагаа өргөжүүлэх, цаашдын хөгжлийн бат суурь болсон юм.

Мэжик Консалтинг Аудит ХХК

Уриа: “Эрсдэлээ үнэлүүл, ирээдүйгээ хар.”

2010 онд байгуулагдсан бөгөөд 2016 оны 9 дүгээр сараас Аудитын тухай хуулийн 9.1, 9.2, 9.3-т заасны дагуу аудит, баталгаажуулах үйлчилгээ, татварын мэргэшсэн зөвлөх, санхүү-нягтлан бодох бүртгэлийн зөвлөх, сургалтын үйлчилгээг үзүүлж байна.

Монголын Мэргэшсэн Нягтлан Бодогчдын Институтээс аудитын тусгай зөвшөөрөлтэй компаниудын үзүүлэлтийг нэгтгэн гаргахад:

• 2015 онд 137 компаниас 17-р байр,

• 2016 онд 143 компаниас 6-р байр эзэлж, үндэсний аудитын компаниудад тэргүүлэгчдийн нэг болсон.

Мөн 2016 онд “Ажлын байрны өсөлттэй аудитын компани”-аар шалгарч, ММНБИ-ийн өргөмжлөл, цом гардан авсан.

Татварын мэргэшсэн зөвлөх үйлчилгээ

Уриа: “Тайлангаа бидэнд даатга, тааваараа бизнесээ өргөжүүл.”

2014 оноос Татварын мэргэшсэн зөвлөхийн нийгэмлэгийн гишүүн байгууллага болж, 40 гаруй компанитай “Нягтлан бодох бүртгэл, татварын зөвлөх үйлчилгээний гэрээ” байгуулан, аутсорсинг үйлчилгээний шинэ шат руу амжилттай шилжсэн.
Бид үйлчлүүлэгч байгууллагуудынхаа татвар, санхүүгийн эрсдэлийг бууруулж, бизнесээ найдвартай хөгжүүлэхэд тусалдаг.

Мэжик Клоуд ХХК

Программ хангамжийн үйлчилгээ

2007 оноос хойш тасралтгүй хөгжүүлж ирсэн MagicFinance санхүү, татварын программыг хөгжүүлэн 2000 гаруй хэрэглэгчдэд хүргэх, тусламж дэмжлэг үзүүлэх чиглэлээр ажиллаж байна.
Magic Finance Программ нь нягтлан бодогч нарын ажлыг хөнгөвчлөх зорилгоор Microsoft excel, Visulabasic Macro ашиглан хөгжүүлсэн бөгөөд нягтлан бодогчийн гар ажиллагааг 80% хөнгөвчилдөг бөгөөд одоогоор 80 гаруй тайлан мэдээг автоматаар боловсруулж байна.

2015 оноос ХАМТ ERP систем нь бидний дотоод үйл ажиллагаандаа хэрэглэдэг систем бөгөөд дараах дэд модулиудыг багтаадаг:

• Мөнгөн урсгалын бүртгэл, хяналтын систем

• Цаг бүртгэл ба хүний нөөцийн систем

• Хэрэглэгчийн үйлчилгээний систем

тухайн системийг байгууллагын дотоод үйл ажиллагаанд амжилттай нэвтрүүлснээр илүү хяналттай, ил тод, үр ашигтай удирдлагын орчин бүрдүүлэн ажиллаж байна.

2025 оноос бид Microsoft болон Kaspersky зэрэг дэлхийн нэр хүндтэй бизнесийн чухал хэрэгцээт программуудын partner эрхтэй болсноор харилцагч үйлчлүүлэгч нартаа албан ёсны лицензтэй программ нийлүүлэх, сургалт зөвлөгөө, зөвлөх үйлчилгээ явуулж байна. 

Үзүүлэлтүүд