MagicFinance програмын 2018-01-01 шинэчлэл сайжруулалт

MagicFinance санхүү, татварын програмын хэрэглэгч танд энэ өдрийн мэндийг хүргэе. 

2017 оны 4 дүгээр сарын 14-ны өдөр өөрчлөн найруулж 2018 оны 1 дүгээр сарын 1 ний өдрөөс мөрдөж эхлэхээр болсон ХХОАТ-ийн хувь хэмжээг шатлалтай болгосон болон татварын маягтууд шинэчлэгдсэнтэй холбоотойгоор програмын дахин шинэчлэгдсэн хувилбараа танилцуулж байна.

Шинэ хувилбар татах:  http://www.magicgroup.mn/newversions/CT20180101.xlsb

Энэ удаагийн шинэчлэлд ямар өөрчлөлтүүд орсныг доорх хүснэгтээс харна уу.

1 Хувь хүний орлогын албан татварын тайлан /шинэчлэгдсэн өөрчлөлт/
 

ТЕГ-ын даргын 2017 оны 12 дугаар сарын 14 ны өдрийн А/213 тоот тушаалын дагуу ХХОАТ-ын тайлангийн дараах маягтууд шинэчлэгдсэн. Үүнд:

  • Цалин хөдөлмөрийн хөлс болон тэдгээртэй адилтгах орлого болон ШБО-оос суутгасан албан татварын тайлан. Маягт ТТ-11
  • Үндсэн цалин хөдөлмөрийн хөлс болон түүнтэй адилтгах орлогоос суутган тооцсон татварын мэдээ. Маягт ТТ-11(1) /Тушаалын 3 дугаар хавсралт/
  • Гэрээгээр олгосон хөдөлмөрийн хөлс, шагнал, нэмэгдэл, тэтгэмж, тэдгээртэй адилтгах бусад орлогоос суутган тооцсон татварын мэдээ. Маягт ТТ-11(2) /Тушаалын 4 дүгээр хавсралт/
  • Хувь хүний орлогын албан татварын тухай хуулийн 11.1.2-11.1.5-д заасан орлогоос суутган тооцсон мэдээ. Маягт ТТ-11(3) /Тушаалын 5дугаар хавсралт/
  • ХХОАТ-ийн ТТ-11(1) маягтын зүүн дээд буланд ТТ-11 маягтын задаргаа болох ТТ-11(1), TT-11(2), TT-11(3), TT-11(4) маягтуудын тооцооллуудыг хянах хяналтын хүснэгттэй болсон. 
2 Програмын/засагдсан өөрчлөлт/
 
  • Зарим нэг файл дээр аль нэг сарын НӨАТ-ийн тайланг харахаар дуудахад ТТ-11 тайлан дуудагдаж НӨАТ тайлан гарж ирдэггүй алдаа заагддаг байсан. Энэ алдааг илрүүлж зассан.
  • Програмын тогтмол шийт дээр ХХОАТ-ийн шатлалтын мэдээлэл нэмэгдсэн.
3 ХХОАТ-ын хөнгөлөлт/нэмэгдсэн өөрчлөлт/
 

Main sheet дээр ХХОАТ-ийн хөнгөлөлтийн дундаж хувийг харуулсан хүснэгттэй болсон. Ингэснээр:

  • Байгууллагын үндсэн ажилчид ХХОАТ-ийн хөнгөлөлтийг хэдэн төгрөгөөр эдэлсэнг дундчилж харуулна.
  • Байгууллагын гэрээт ажилтан нь үндсэн ажилтнаар ажилладаг газраасаа хөнгөлөлт авч чадаагүй бол хуулийн дагуух цалин хөдөлмөр хөлс, бэлэг тэтгэмж болон тэдгээртэй адилтгах орлогоосоо жилд авах ёстой хөнгөлөлтөө гэрээт ажил хийж буй газраасаа хөнгөлүүлэх боломжтой. Эдгээр ажилчдын хөнгөлөлтийн дундажыг энэ хүснэгт цалингийн тооцоололоос татаж харуулна.
  • ХХОАТ-ийн байх ёстой хөнгөлөлтийн хэмжээ нь байгаагаасаа хэр зөрсөнг шалгах зөрүүгийн хяналттай болсон.

Цалингийн мэдээлэл оруулах хэсэгт Гэрээт ажилтны ХХОАТ-ийн хөнгөлөлтийг оруулж өгөх “К” багана нэмэгдсэн.
4 Ханшийн тэгшитгэл /засагдсан өөрчлөлт/
 

Ханшын зөрүүний бодит бус ашиг алдагдал тооцно

  • Ханшын зөрүүний бодит бус ашиг алдагдлыг сарын эцсийн /мөнгө, авлага, өглөг/ үлдэгдэл дээр 1 удаа тооцдог болсон. Бусад үед тооцохгүй.

 

Ханшын зөрүүний бодит ашиг алдагдал тооцно

  • Гадаад валютыг зах зээлийн ханшаар худалдан борлуулах үед
  • Гадаад валютаар илэрхийлэгдсэн авлага, өглөгийн тооцоог барагдуулах үед
  • Гадаад валютыг худалдан борлуулах болон худалдан авсан үед /төгрөгөөс валют руу, вальютаас төгрөг рүү/ хөрвүүлэлтийн ханшны зөрүү үүссэн үед


Ханшын зөрүүний бодит ба бодит бус ашиг алдагдал тооцохгүй:

  • Гадаад валютаар авлага, өглөг нэмэгдсэн үед.
  • Гадаад валютыг зах зээлийн ханшаар худалдан авсан үед.
5 Үндсэн хөрөнгийн тайлан /засагдсан өөрчлөлт/
  Үндсэн хөрөнгийн дэлгэрэнгүй тайлан дээр оруулж буй хөрөнгийн бүртгэлээ хоосон нүд алгасаж хийснээс болоод үндсэн хөрөнгийн орлого зарлага оруулах хэсэг дээр тухайн хөрөнгийн нэр дуудагдахгүй (харагдахгүй)болдог. Энэ алдаанаас сэргийлэхийн тулд AS-AW багана дээр мэдээлэл оруулахдаа хоосон нүд үлдээвэл Empty сануулга AR багана дээр гардаг болсон. Өөрөөр хэлбэл ҮХ тайлангийн хяналт сайжирсан


Шинэ хувилбар татах:  http://www.magicgroup.mn/newversions/CT20180101.xlsb

 

Та программ шинэчлэлтэй холбоотой мэдээллийг манай 70131044 дугаарын утаснаас авах боломжтой.